2012-Apr-25-2005Hrs
Hello Bee Bop, Phillip,
It was nice hearing from you. What a great time we had at Reunion 2011 in New York!
But doh kill de messenger. De vote was close. We know yuh was bad fuh days. Speed fuh so in de 440 yd. Or was it 400. Yuh was pretty fuh so. Ah like de way yuh use tuh shake yuh right hand. Or was it yuh left. Ah want tuh get de facts correct.
Tuh besides you never bring ah curry chicken tuh de campus dat had men running fast, fast tuh de toilet. It was Tutu Wah . Tutu Wah, Tutu Wah.
Ah think Aqui edge yuh out because we included his stint wit Malvern and Howard University. Yuh remember de year he and Lincoln Phillips bring down de team from Howard. In addition, de man use tuh look real good in Malvern colors: Wine and White, my favorite team..
By de way, de odder day ah talk wit anodder speed Merchant from deep south. Yuh remember Bella, Michael Bellamy?
Who was faster?
Gee we some times and facts, Phillip.
By de way, yuh remember wen Lester, Efebo, put yuh off fuh cussin. Big controversy between he and Harry Joe.
Efebo throw he boots on de electric wire. Wat ah way fuh de best goalie tuh hang up he boots. De man had principle.
Ah gorn. Ah like Pavlov's dog. De dinner bell ringin.
Rodey Dolphus Foster
No comments:
Post a Comment