2020-NOV-12-2336Hrs
My Fellow Mausicans,
Is me again. Aye, hear nah man, I jus get up from ah lil siesta and ah start tuh sing ah Ray Charles classic named after ah southern state. Ah tink Cassanovas use tuh play it. It was ah bound tuh dance tune. Yuh remember dem days?
Name dat tune.
Aye, Big Brother Errol, yuh must know dat song.
All those who shout "Georgia"! Take ah bow.
If yuh hear meh. Ah sing all de parts. Marjorie watchin meh in wonderment.
Ah glidin, ah waltzin, ah fox -trottin, ah two steppin and ah makin ah diagonal tuh de center of HMJ Hall. Wen ah reach de dead center, ah rent ah tile and ah start slow dancin like Joan Braithwaite an she husband from Point. Who say "grinding"? How she name dancin good, boy. She go save de last dance fuh me.
Yes, Yvonne and Pearl. There will be plenty chessin tonite!
On a serious note. I am glad that Marjorie and I made it back to Stone Mountain, GA. to participate in the recent unprecedented election. Brother Alan Simpson and I took a virtual drink fuh Joe Biden and Kamala Harris and all Democrats. Mausicans in every thing.
Aye, allyuh, ah gorn fuh now. Ah have tuh finish some CE courses tuh remain compliant. How much more Ethics dey want?
So long for now. Be safe.
As usual.
Rodney Foster, Original Red Guard and Havenite. 66-68
Rodney Foster 68
No comments:
Post a Comment